Көрүүнү лазердик түзөтүү

Көз айнек менен линзадан арылууга заманбап жабдуулар жана жогорку категориядагы дарыгерлерлер сизге жардам беришет.

Сиз даана көрүүнү каалайсызбы?

Көз айнек жана линзадан тажадыңызбы?

Сизге жардам берүүнүн эң тез жана коопсуз жолдорунун бири – заманбап офтальмологиянын эң прогрессивдүү багыты болгон көрүүнү лазердик түзөтүү операциясы.

Көрүүнү лазердик түзөтүүнүн артыкчылыктары:

Кенен колдонуу

Акыркы технологиялар менен натыйжалуу дарылоо: Миопия -0.50Dтен -12.00D ге чейин. Гиперметропия +4.00D кө чейин. Астигматизм 6.00D га чейин.

Натыйжаларды божомолдоо

Көздүн абалы аныкталгандан кийин дарыгер көрүүнү лазердик түзөтүүнүн жыйынтыгын божомолдоп айта алат.

Амбулатордук процедура

Клиникага жаткырбастан, “бир күн” режиминде жүргүзүлөт. Пациент клиникага калууга муктаж эмес.

Оорутпаган процедура

Жергиликтүү анестезияны бардык курактагы пациенттер жеңил көтөрүшөт.

Тез калыбына келет

Биздин пациенттер көрүүнү лазердик түзөтүүдөн кийин бир нече сааттын ичинде даана көрө башташат.

Бат процедура

Процедура эки көзгө болгону 10-12 мүнөткө гана созулат, ал эми лазердин таасири 5-10 секунддан ашпайт.

Биздин борбордогу көрүүнү лазердик түзөтүүнүн негизги ыкмалары:

Femto LASIK

Технология жалаң лазер колдонуп жасалат. Айнек челден ультражука кесинди ажыратып алуу үчүн заманбап фемтосекунддук лазер WaveLight FS200 колдонулат. Андан кийин айнек челге акыркы муундагы WaveLight EX500 эксимердик лазери таасир этет.

Процедура жекелештирилген технология боюнча жасалып, ар кандай даражадагы миопия, астигматизм, гиперметропияны жогорку тактык менен жоёт.

LASIK

Бул ыкма микрокератомдун механикалык таасирин жана эксимердик лазердин иштешин айкалыштырат.

Биринчи этапта атайын жарым автоматтык механикалык микрокератомдун жардамы менен айнек челден кесинди түзүлөт.

Андан кийин эксимердик лазер айнек челдин формасына таасир этип, аны жарык нурларды тор челге даана багытталгандай кылып өзгөртөт.

Trans-PRK

Үстүртөн абляция жолу менен көрүүнү лазердик түзөтүү бир убакта рефракциялык хирургия тармагында революция жасаган.

Азыркы учурда ал резервдеги ыкма болуп эсептелет. Калыбына келүү мөөнөтү узак болгондуктан айнек чели жука же башка көздүн абалы өзгөчө пациенттер үчүн салыштырмалуу сейрек учурларда колдонулат.

StreamLight

StreamLight – бул эң заманбап үстүрттөн абляция кылуу технологиясы. Бул ФРК жолунун кыйла өнүккөн варианты. Процедура көзгө тийбей аткарылат, ошондуктан аны “No-Touch” технологиясы деп аташат. Лазер менен эпителийди алуу жана айнек челдин формасын өзгөртүү процесси бир убакта ишке ашат- бул операциянын убактысын бир топ кыскартат. Ал ошондой эле оптималдаштырылган лазердик абляция профилин колдонуу менен ишке ашат.
ФРК сыяктуу эле, бул технология стандарттуу эмес учурларда, мисалы, айнек чел ичке же өзгөчө болсо сунушталат.